3 pulis todas, 3 sugatan sa npa ambush
FDA director nakaligtas...
MANILA, Philippines — Tatlong pulis na escort ang nasawi, habang tatlong iba pa ang nasugatan sa naganap na pag-ambush ng mga New People’s Army (NPA) rebels kay Food and Drugs Administration (FDA) Director General Nela Charade Puno, kahapon ng umaga sa highway ng Brgy. Napolidan, Lupi, Camarines Sur.
Ang napatay na mga pulis ay kinilalang sina SPO1 Percival Rafael; PO3 Carlito Navarroza; at PO1 Ralph Jason Vida. Habang nasugatan at dinala sa Bicol Medical Center sina PO1s Jonathan Perillo; Ruby Buena at Rodolo Gonzaga; pawang miyembro ng Camarines Sur Provincial Police Office (PPO) na pawang nakatalagang security escort ni Puno na nakaligtas sa ambush.
Sa report ng pulisya, dakong alas-9:10 ng umaga ay bumabagtas ang sinasakyan ni Puno at convoy ang mga pulis na lulan ng PNP marked vehicle patungong Daet nang sila ay pagbabarilin ng nasa 20 rebelde na nakaposisyon sa lugar.
Mabilis na nagrespo de sa lugar ang route security personnels mula sa 1st Camarines Sur Provincial Police Security Company hanggang sa magsiatras ang mga rebelde patungo sa direksyon ng kabundukan.
- Latest
