Murang kuryente isinusulong

MANILA, Philippines — Upang magkaroon ng murang kuryente sa bansa ay isang panukalang batas ang isinusulong na sa Kamara.

Ang panukalang batas ay ang House Bill 8179, ang binuong bersyon ng pinagsamang panukalang batas ni Yap, Rep. Maria Carmen Zamora at iba pang kongresista.

Sinisigurado sa HB 8179 na hindi malalabag ang mga kasalukuyang franchise ng mga distribution utilities (DUs) at electric cooperatives (ECs) sa pagbibigay ng bagong franchise sa SPSB.

Ayon kay Yap, isinusulong niya ang panukalang batas na nagbibigay ng prangkisa sa isang 100% Pinoy corporation na nagsusuplay ng kuryente gamit ang mga mini grids mula sa init ng araw at iba pang renewable energy sources at para mabigyan ng malinis at murang elektrisidad 24 oras ang mga komunidad sa bansa.

Umapela si Yap sa ilang grupo sa hanay ng sektro ng enerhiya na huwag gamitin ang mga probisyon ng lumang Electric Power Industry Reform Act (EPIRA) para mapigilan ang mga bagong kumpanya na magsuplay ng mura at tuloy-tuluy na daloy ng kuryente gamit ang malinis o green technologies.