Ex-cop tigok sa tandem
MANILA, Philippines — Isang dating pulis ang nasawi nang ito ay pagbabarilin habang angkas sa isang motorsiklo dalawang lalaki na sakay din ng isang motorsiklo kahapon sa Brgy. Centro 4, Tuguegarao City, Cagayan.
Namatay noon din si dating PO3 Lucas Mangada, 36, habang nasugatan naman ang kasama nito na si Kurt Javier at isa pang angkas na 3-anyos na batang lalaki.
Batay sa ulat, dakong alas-11:30 ng tanghali ay angkas ang dating pulis at 3-anyos sa motorsiklo na minamaneho ni Javier na kagagaling sa pansitan nang sila ay pagbabarilin ng mga suspek na sakay din ng motorsiklo.
Lumalabas sa imbestigasyon na suspek si PO3 Mangada ay nasibak sa serbisyo dahil sa kasong droga.
Nang mawalan ng trabaho ay nagsasagawa umano ito nang panghoholdap sa mga estudyante na pinagbabantaan na tataniman ng shabu kung hindi ibibigay ang kanilang mga cellphone.
- Latest