10 mayor na absent sa Ompong pwedeng masibak

MANILA, Philippines — Puwedeng anyang sibakin sa tungkulin ng Department of Interior and Local Government (DILG) ang 10 mayors mula sa lalawigan ng Cagayan Valley na wala sa kanilang lugar nang tumama ang bagyong Ompong noong nakaraang Sabado.

Ito ang sinabi ni Presidential Spokesman Harry Roque, na sa sandaling mapatunayan na inabandona nila ang kanilang puwesto sa oras ng trahedya partikular nang manalasa ang bagyong Ompong sa lalawigan ng Cagayan, Isabela at Cordillera.

Nilinaw naman ni Cagayan Gov. Manuel Mamba na wala siyang binigyan ng travel autho­rity na mga alkalde ng kanilang lalawigan bago tumama ang bagyong Ompong sa Northern Luzon particular sa Cagayan noong Sabado ng mada­ling araw.

Ang nasabing mga local officials mula sa Cagayan ay nakipagkita rin kay Executive Sec. Salvador Medialdea noong Biyernes ng tanghali bago tumama at mag-landfall si bagyong Ompong sa lalawigan ng Cagayan.