4K pulis bantay sa Martial Law anniversary
MANILA, Philippines — Nasa 4,000 pulis ang itatalagang magbabantay sa Quirino Grandstand kaugnay ng nalalapit na pagdiriwang ng Martial Law.
Sa ginanap na diyalogo na dinaluhan nina NCRPO Director Guillermo Eleazar, MPD Director Chief Supt. Rolando Anduyan at mga lider ng cause oriented groups ay inilatag ang paghahanda sa seguridad at kaayusan, deployment ng police personnel at iba pa.
Nagkasundo ang pulisya at iba’t ibang grupo ng militante, religious group para sa mapayapang rally ng mga tutol at pro Marcos rallyist sa Setyembre 21.
Inirekomenda ng MPD na isagawa ang aktibidad sa Quirino Grandstand habang sa Burnham green na lamang ang pro-Duterte group.
Tanging may permit at organizer lamang ang kanilang papayagang magsagawa ng rally at huhulihin ang mga grupo na magsasagawa ng rally sa mga ipinagbabawal na lugar.
- Latest