‘OA’ si Trillanes-Malacañang
MANILA, Philippines — Dahil sa paniniwala ni Senador Antonio Trillanes na tinitiktikan siya sa kanyang bahay ng intelligence personnel ay tinawag ng Malacañang na “overacting” na ito.
“OA po yan. Uwi na kayo dahil hindi naman tama na taong bayan ang nagbabayad ng inyong board and lodging d’yan sa Senado,” wika ni Presidential Spokesman Harry Roque sa akusasyon ni Sen. Trillanes na mayroong umaaligid na sasakyan sa kanyang bahay na nakunan ng CCTV.
“First it’s drama. And now it appears to be paranoia. I think it’s very clear that the President has left the matter to the RTC and so has the Supreme Court,” paliwanag pa ni Sec. Roque sa media briefing sa Malacañang kahapon.
Idinagdag pa ni Roque, naging paranoid lamang si Trillanes at nagtatago sa Senado matapos mapawalang-bisa ni Pangulong Rodrigo Duterte ang ipinagkaloob na amnesty dito ng nakaraang administrasyon.
Sinabi pa ni Roque, nais lamang kumuha ng simpatya sa taumbayan ni Trillanes kaya gumagawa ito ng drama at nagtago sa Senado matapos lagdaan ni Pangulong Duterte ang Proclamation 572 na nagpapawalang-bisa sa ipinagkaloob na amnesty dito ng Aquino government.
- Latest
