Parak nabaril ang sarili sa police station
MANILA, Philippines — Hindi na umabot ng buhay sa ospital ang isang pulis matapos aksidenteng pumutok ang nililinis niyang baril sa loob ng Toril police station, Toril District, Davao City kamakalawa ng gabi.
Kinilala ang nasawi na si SPO3 Rosebelt Vertudez Angcon dahil sa tinamong tama ng bala sa kanyang ulo.
Sa ulat, bandang alas-11:45 ng gabi ay nililinis ng biktima ang kanyang baril sa isang locker room sa loob ng police station nang ito ay aksidenteng pumutok
Mabilis na isinugod ang biktima sa Malta Hospital, subalit idineklara itong dead-on-arrival.
Nagsasagawa ng malalimang imbestigasiyon ang pulisya upang alamin kung aksidente o may foul play sa insidente.
- Latest