P3.4 milyong shabu nasabat sa Parañaque
MANILA, Philippines — Tumataginting na P3.4-milyong halaga ng shabu ang nasabat mula sa isang kilabot na ‘tulak’ sa isinagawang buy-bust operation na ikinasa ng Philippine Drug Enforcement Agency (PDEA)sa lungsod ng Parañaque.
Batay sa ulat, nagkasa ng buy-bust operation ang mga kagawad ng PDEA sa isang parking lot ng isang shopping mall sa Parañaque City kung saan nagtagpo ang mga undercover na pulis at dalawang drug suspects na kinilalang sina alyas ‘Arnel’ at alyas ‘Oscar’.
Mula sa mall ay lumipat ang grupo sa may Brgy. BF Homes at nang makumpleto ang kanilang tran saksyon, alas-6:45 kahapon ng umaga nang tuluyang arestuhin mga suspek.
Subalit, nakatakas si alyas ‘Oscar’ habang nakumpiska mula kay Arnel ang 500 gramo ng shabu, na nagkakahalaga umano ng P3.4 milyon.
- Latest
