Empleyada ng pawnshop kinatay ng magnanakaw
MANILA, Philippines — Isang 22-anyos na empleyada ng isang cellphone and gadget pawnshop ang kinatay nang pasukin at pagnakawan ng mga suspek ang pinapasukang establisyimento kamakalawa ng hapon sa Abanao Street, Baguio City.
Natagpuang patay na nakatali ang mga kamay at paa ng packing tape ni Lindsay Valdez ng Urdaneta, Pangasinan.
Sa ulat, dakong ala-1:40 ng hapon nang matagpuan naliligo sa sariling dugo ang biktima nang laslasin ang lalamunan nito sa loob ng 202 Cellphone Pawnshop.
Pinaniniwalaang pinasok ng mga kawatan ang pawnshop sa maliit na entrada nito habang naglilinis ang biktima bago magbukas ng alas-8:00 ng umaga.
Sinabi sa pulisya ng may ari ng pawnshop na si Julio Parayno III na nagawang buksan ng mga salarin ang kanilang cash vault at tinangay ang laman nitong cash na nagkakahalaga ng P87,434.
- Latest