3 tulak tiklo sa P.6-M shabu
MANILA, Philippines — Natimbog ng mga pulis ang tatlong pinaniniwalaang big time drug pusher sa isang buy bust operation kahapon ng madaling araw Camella Springville, Brgy. Molino 3, Bacoor City, Cavite.
Ang mga suspek ay kinilalang sina Franco Marquez, nasa hustong gulang; Joji Ian Canomizado; at Kasandra Martinez, pawang residente ng nasabing subdivision.
Nasamsam sa mga suspek ang nasa 102.73 gramo ng shabu na nagkakahalaga ng P698,564.00.
Sa ulat, ala-1:00 ng madaling araw nang magsagawa ng buybust operation ang mga otoridad laban sa target suspek na si Marquez.
Nagpanggap na buyer ang isang police asset at nang makabili ng shabu na nagkakahalaga ng P1,000 ay agad na pinasok ang bahay ni Marquez na kung saan ay nandoon sina Canomizado at Martinez.
- Latest