Kelot na-sandwich sa backhoe at trak

MANILA, Philippines — Nasawi ang 34-anyos na si Jocel Laurito, ng Brgy.Monserat, Magarao nang mapisak ang kanyang katawan matapos maipit sa pagitan ng backhoe at trak sa kahabaan ng provincial road ng Zone 6, Brgy. Duwang Niog sa bayan ng Libmanan, Cam Sur kamakalawa ng hapon.

Ayon sa ulat, dakong alas-4:00 ng hapon, hinahatak ng backhoe na minamaneho ni Jerry Bales, 21, ang trak na minamaneho naman ni Alberto Millare, 49 sa paahong bahagi ng ginagawang kalsada nang dumulas ito at nahulog sa hinahatak na trak dahilan para maipit sa pagitan ng dalawang sasakyan si Laurito.

Agad sumaklolo ang Libmanan Rescue Team at isinugod ang biktima na idineklarang dead-on-arrival.