Magdyowang kawatan nilikida
MANILA, Philippines — Kapwa bumulagta ang isang mag-live-in partner na umano’y mga notoryus na magnanakaw sa kanilang lugar matapos silang pagbabarilin ng ‘di pa nakikilalang gunman habang mahimbing na natutulog sa kanilang tahanan naganap sa Barangay Paco, Kidapawan City, North Cotabato, madaling araw ng Sabado.
Kinilala ng pulisya ang mga biktima na sina Esperidion Gondemaro alyas ‘Tikboy’ 50, at ang live-in partner nito na si Marlita Santiago, 43, na kapwa residente sa nabanggit na lugar.
Ayon sa ulat, dakong ala-1:10 ng madaling araw habang mahimbing na natutulog ang mga biktima nang biglang pumasok sa kanilang bahay ang suspek at walang patumanggang pinaulanan sila ng bala na ikinasawi agad ni Gondemaro na napuruhan sa ulo habang nagawa pang maisugod sa pagamutan si Santiago na minalas namang hindi na ito umabot pang buhay.
Sinisilip ngayon ng pulisya na ang posibleng motibo sa pagpatay sa dalawa ay dahil sa pagkakasangkot ng mga ito sa ilegal na gawain bilang notoryus na magnanakaw sa kanilang lugar.
- Latest