SC Justice Martires namumuro sa pagka-Ombudsman
MANILA, Philippines — Si Supreme Court (SC) Justice Samuel Martires ang nangunguna sa mga pinagpipilian bilang susunod na Ombudsman nang magkaisa ang Judicial and Bar Council (JBC) en banc sa ginawang botohan na iendorso ito bilang kapalit ni Ombudsman Conchita Carpio Morales na magreretiro na sa Hulyo 26.
Pinangunahan ni acting Chief Justice at acting JBC Chairman Antonio Carpio ang botohan at en banc session.
Nakakuha ng botong 11 si Martires sa JBC habang sina Special Prosecutor Edilberto Sandoval ay nakakuha naman limang boto at apat na boto naman si Felito Ramirez.
Diniskuwalipika naman ng JBC si Labor Secretary Silvestre Bello III dahil na rin sa nakabinbing syndicated estafa case sa Office of the Ombudsman habang sina Sandiganbayan Justice Efren Dela Cruz na diniskuwalipika dahil sa kaso noong siya ay law practitioner.
Disqualified din si Atty. Rey Ifurung ay dahil pinatawan ng contempt fine ng SC ng P10,000 habang nahaharap naman sa objection mula kay Atty. Ferdinand Topacio si Atty. Edna Batacan bunsod na rin umano ng panghihingi ng P8-milyon mula sa kanyang kliyente.
- Latest