Mag-utol todas sa resbak ng bayaw
MANILA, Philippines — Kapwa nasawi ang isang magkapatid nang sila ay pagbabarilin ng sariling bayaw na rumesbak sa kanila matapos na pagtulungang gulpihin sa isang quarry naganap kamakalawa ng gabi sa Brgy. Malapag, Carmen, North Cotabato.
Ang magkapatid na nasawi ay kinilalang sina Jerry Mijares Caw-it, 44; at Alex, 49, kapwa residente ng nasabing lugar. Habang ang suspek ay ang bayaw nilang si Joel Esguerra, 35.
Batay sa ulat, bago nangyari ang krimen dakong alas-7:00 ng gabi ay pinagtulungan umano ng magkapatid na gulpihin ang suspek sa kanilang pagtatalo sa quarry site.
Walang nagawa ang suspek sa paggulpe sa kanya ng magkapatid kaya’t kinagabihan ay pinuntahan nito ang bahay at doon pinagbabaril ang magkapatid na namatay noon din. Kusang loob na sumuko ang suspek sa pulisya na nahaharap sa kasong kriminal.
- Latest