Senglot nakuryente sa hawak na radyo
MANILA, Philippines — Doon sa kanyang higaan natagpuang patay ang isang 36-anyos na lalaki matapos na makuryente habang makikinig sana sa radyo kamakalawa sa Brgy. Himaao Norte, Pili, Camarines Sur.
Ang nasawi ay kinilalang si Alvin Amoroso Mabesa, residente ng nasabing barangay na nasunog ang kanang kamay habang hawak radyo.
Sa salaysay ng ina ng biktima na si Norma Mabesa sa pulisya dakong alas-12:30 ng tanghali, nakita niya na patay na ang anak habang hawak ang radyo at nakahiga sa katreng kawayan.
Ayon sa ina, umuwing lasing ang kanyang anak na may hawak pang dalawang bote ng beer at kinuha ang radyo para makinig nang mangisay matapos mahawakan ang kawad.
Nabatid na grounded ang radyo na pinatunayan ng ina at isa pang anak nito na muntikan na ring makuryente noong nakaraang mga araw.
- Latest