Pacquiao muling tiniyak na tuloy ang laban nila ni Matthysse
MANILA, Philippines — Itinuring ni Manny Pacquiao na isang ‘distraction’ ang napapaulat na posibleng pagkakadiskaril ng kanilang bakbakan ni Lucas Matthysse.
Mula sa kanyang information officer na si Aquiles Zonio, sinabi ng 39-anyos na Filipino boxing icon na walang dahilan para hindi maituloy ang laban nila ng 35-anyos na si Matthysse.
“The fight will proceed as scheduled. Nothing can stop that. I am training hard for the fight and I never allow any distraction to destroy my focus,” pahayag ni Pacquiao taliwas sa mga lumalabas na report.
Nakatakda ang nasabing upakan nina Pacquiao (59-7-2, 39 KOs) at Matthysse (39-4-0, 36 KOs) sa Hulyo 15 sa 15,000-seater na Axiata Arena sa Kuala Lumpur, Malaysia.
Hangad ng Filipino world eight-division champion na maagaw sa Argentinian star ang suot nitong World Boxing Association welterweight crown.
Inihayag kamakailan ni Bob Arum ng Top Rank Promotions na nalaman niyang hindi pa naibibigay ng MP Promotions ni Pacquiao ang kulang na $2 milyon kay Matthysse at sa Golden Boy Promotions ni Oscar De La Hoya na dapat ilagay sa isang escrow account.
Hindi rin umaabot sa deadline ang MP Promotions sa pagbabayad para sa produksyon at iba pang gastusin sa unang promosyon ng Senador.
“I’m trying my best with the help of God to make this fight a success. I also pray for my detractors that God may enlighten their minds and soften their hearts,” wika ni Pacquiao.
Naniniwala si Pacquiao na hindi maaapektuhan ng tsismis sina Matthysse at De La Hoya.
“I’d like to extend my profound gratitude to Golden Boy Promotions of Oscar De La Hoya and the Matthysse camp for their trust and confidence. This fight will push through as scheduled,” ani Pacquiao.
Nilinaw pa ni ‘Pacman’ na hindi niya habol ang malaking kikitain para sa kanyang unang boxing promotion.
“I had a sad experience as a struggling boxer. Oftentimes, fighters are being shortchanged by the wily promoters,” ani Pacquiao. “Staging my first ever international boxing promotion is part of my advocacy to help budding boxers, particularly those coming from Asia.”
- Latest