Mga pulis sinibak sa ‘tambay’

MANILA, Philippines — Tinanggal sa puwesto  ni  National Capital Region Police Office (NCRPO) Chief Guillermo Eleazar ang ilang tauhan ng QCPD-Station 5 matapos nilang utusan ipalinis ang banyo sa mga hinuli nilang tambay.

Hindi muna pina­ngalanan ni NCRPO Chief Guillermo Eleazar ang sangkot sa nasabing insidente kabilang dito ang kanilang supervisor na hindi muna pinangalanan.

Hinihikayat ni Eleazar ang mga naaresto na mag hain ng kaso laban sa mga pulisya.

Nilinaw  ng opisyal na tanging ang RTC judge lamang ang maaring magsabi kung ano ang parusa sa mga inarestong mga tambay at hindi ang mga pulis.

Muli nitong pinapaalalahanan ang mga pulis na gawin lamang kung ano ang nasa kanilang mandato para hindi lumabag sa karapatang pantao ng kanilang mga hinuhuli.

Muling umapela sa publiko si Eleazar na walang dapat ikabahala dahil sa pagiging tambay nila dahil hindi ito isang krimen at ang bagansiya at decreminalized na at ang kanilang ginagawang pag aresto ay nakabase sa mga umiiral na ordinansa.