Backchannel talks sa NDFP sinuspinde
MANILA, Philippines — Sinuspinde na ng gobyerno ang lahat ng backchannel talks sa National Democratic Front of the Philippines (NDFP) matapos ang tatlong buwang pagrerebisa sa lahat ng nilagdaang kasunduan sa pagitan ng Government of the Philippines (GPH) at ng NDFP peace panels.
Sa press statement na inisyu kahapon, sinabi ni Hernani Braganza, miyembro ng GPH peace panel na inimpormahan na ng pamahalaan ang NDFP hinggil sa bagay na ito matapos ang pagpupulong sa Netherlands .
“In a meeting with the NDF leaders headed by chief negotiator Fidel Agcaoili and attended by chief political consultant Jose Ma. Sison, the government team also conveyed the Philippine government’s decision to suspend all backchannel talks with the NDF pending the three-month review of all signed agreements related to the peace negotiations,” pahayag ni Braganza .
Ang GPH at NDFP peace panels ay nakatakda sanang magpatuloy muli ang peace talks sa Hunyo 28 tulad ng kasunduan pero ipinagpaliban muli ni Pangulong Rodrigo Duterte dahilan magkakaroon muna umano ng malawakang konsultasyon sa publiko.
Sa nasabing pagpupulong sinabi ni Braganza na nagpakita ng kahandaan ang mga kinatawan ng NDF na maging bukas ang isipan sa desisyon ni Pangulong Duterte at hintayin ang resulta ng pagrerebisa bago magpatuloy muli sa anumang peace negotiations.
- Latest
