2 lola tepok sa SUV

MANILA, Philippines — Namatay habang ginagamot sa ospital ang dalawang lola na nakilalang sina Sioning Pimiliw, 75 at Rosalina Alberto, 71, habang apat  nilang kapamilya ang nasugatan makaraang aksidenteng masalpok ng isang rumaragasang SUV sa kahabaan ng highway ng Camp 4, Kennon Road, Tuba, Benguet kamakalawa.

Sa report, dakong alas-6:05 ng umaga habang naghihintay ng taxi ang magkakapamilya sa nasabing lugar nang biglang sumulpot ang humahagibis na Suzuki Sport vehicle (AJA 5168) na minamaneho ni Bernard Soriano at nasagasaan ang mga biktima.