Nanalong kagawad, 2 tanod inaresto sa pagpatay
MANILA, Philippines — Isang nanalong barangay kagawad at dalawang tanod ang inaresto at kinasuhan ng murder ng National Bureau of Investigation (NBI) dahil sa pagtumba sa kaaway nito sa pulitika sa Barangay Batong Labang, Ilagan City, Isabela kamakalawa.
Kinilala ni NBI Provincial Director Tim Rejano ang mga humaharap sa kasong murder na sina outgoing Chairman Florante Baesa at mga tanod nitong sina Marlon Agdigos at Onyok Mauricio.
Sinabi ni Rejano na may lumutang na testigo na siyang nakasaksi sa mga suspek na rumatrat kay Rommel de Guzman sa kanyang bakuran noong gabi ng Abril 6.
Ayon kay Rejano, nagsampa ng kasong korapsyon si De Guzman laban kay Baesa na noon ay nasa huling termino ng panunungkulan bilang kapitan.
Sinasabing binabalak tumakbo ni De Guzman para palitan si Baesa.
- Latest