Grade 12 stude nilamon ng ilog
MANILA, Philippines — Isang Grade 12 na estudyante ang nasawi matapos malunod habang naliligo kasama ang mga kaibigan sa ilog ng Solana, Cagayan, kamakalawa ng hapon.
Kinilala ng Solana PNP ang nasawing biktima na si Jay-Ar Pancefane, 18, at residente ng Barangay Natappian West, Solana, Cagayan.
Napag-alaman na dakong alas 2:00 ng hapon kamakalawa nang magtungo sa Cagayan River sa nasabing lugar ang biktima kasama ang mga kaibigan na nakilalang sina Jay-ar Felix, Christopher Castillo at Emidio Felix para maligo umano.
Habang naliligo ay napansin na lamang umano ng mga kaibigan ng biktima ang biglaang pagkawala nito sa tubig kung kaya’t agad na nagpasaklolo sa mga kamag-anak at iba pang mga residente kabilang na ang mga tauhan ng Bureau of Fire Protection.
Agad naman nareko-ber ang biktima subalit idineklra itong dead-on-arrival sa pagamutan.
Napag-alaman ng pulisya sa ina ng biktima na unang nag-inuman ang biktima at mga kaibigan bago nagtungo sa nasabing ilog para maligo.
- Latest