Tatakbong kagawad, 7 pa tiklo sa pagbatak ng shabu
MANILA, Philippines — Walong katao ang naaresto kabilang ang isang babaeng kandidato sa pagka-kagawad ngayong darating na barangay election nang maaktuhan na bumabatak ng shabu sa loob ng isang bahay sa Brgy. Bañga sa Meycauayan City, kahapon ng madaling araw.
Kinilala ang mga suspek na sina Janet Oñate, 41, dating OFW at kandidato bilang kagawad ng Brgy. Tugatog; kapatid nitong si Juper Oñate 36; Noemi Uy, 48; Arsenio Bacani 42; Aurora Roy, 33; Jonel Danao, 33 ng Brgy. Viente Reales; Oscar Malvar, 64 ng Gen. T. De Leon, kapwa sa Valenzuela City at Joseph Casambros 30, ng Brgy. Mataas na Parang sa bayan ng San Ildefonso.
Ayon ulat, dakong alas-3:00 ng madaling nang salakayin ng pulisya ang nasabing bahay dahil sa sumbong na may nagaganap na shabu pot session na kung saan ay naaktuhan ang mga suspek na bumabatak ng shabu.
Nasamsam sa mga suspek ang tatlong sachet ng shabu na may halagang P1,000 piso, at iba’t ibang mga drug paraphenalias.
- Latest