Rider tepok sa poste

MANILA, Philippines — Hindi na umabot ng buhay sa ospital ang isang 63-anyos na motorcycle rider matapos na bumangga ang minamanehong nitong bigbike sa poste ng kuryente sa Brgy. Ariman, Gubat, Sorsogon, kamakalawa.

Ang nasawi ay kinilalang si Jose Albacto Santos Tanseco, 63 anyos, residente ng Dasmarinas Village, Makati City.

Sa ulat, dakong alas-2:15 ng hapon ay mabilis na binabaybay ng biktima ang kahabaan ng highway lulan ng kanyang bigbike na BMW XR 51000 patungong bayan ng Barcelona upang dumalo sa convention ng Motorcycle Riders of the Philippines na ang  pangunahing bisita ay sina Pangulong Rodrigo Duterte at Special Assistant to the President Bong Go.

Nawalan umano ng kontrol sa pagmamaneho ang biktima na naging dahilan para ito ay sumemplang at bumanga sa kongkretong poste ng kuryente sa agad sinaklolohan ng mga nakakitang residente ang biktima at hindi na umabot ng buhay sa pagamutan.