‘Sure win’ ni Bong Go siniguro ni Digong
MANILA, Philippines — Tiniyak ni Pangulong Rodrigo Duterte na magiging “sure win” si Special Assistant to the President Christopher Bong Go sakaling ituloy nito na kumadidato bilang Senador sa 2019 elections.
Sa kanyang talumpati sa ika-16 founding anniversary ng Supreme Tribal Council for Peace and Development na ginanap sa Davao City nitong Biyernes, sinabi ni Pangulong Duterte na isang “highly winnable candidate” si Go.
“Look, he (Go) will win as senator...I will bet on it. He would make a great senator. He’s really a bright man,” ayon kay Duterte.
Tiniyak ng Pangulo ang kanyang “full support” kay Go kasunod ng pag-endorso sa huli ng kanyang mga kaibigan at tagasuporta kamakailan kabilang sina Presidential Communications Secretary Martin Andanar, ang principal convenor ng Ready! Set!Go! Movement.
Sinabi ng Pangulo na kaya siguradong walang talo ang kanyang manok dahil halos lahat ng sektor ay suportado ito, kabilang na ang pulisya at militar.
“Please don’t forget that guy at the back, who has slanted eyes, when the time comes,” dagdag pa ni Duterte.
Nagbiro pa si Duterte at sinabi na nakatulong kay Go ang ginawa nitong pagsulpot sa Senado para magpaliwanag hinggil sa usapin ng kontroberysal na “frigate acquisition project” ng Philippine Navy.
Sa kabila nito, wala pang pormal na pahayag si Go kung tatakbo siyang Senador sa 2019 at sinabing nangako siyang pagsisilbihan ang Pangulo hanggang sa kanyang huling hininga.
“He is my adviser, my mentor and my boss. I am very, very happy to be endorsed by Mayor Rody. Nawawala ang pagod ko kahit 24 hours magtrabaho. But it is still too early to talk about politics. Humbled, challenged and motivated, magdu-duty muna ako kay boss at sa kapatid nating Pilipino.” ayon naman kay Go, ang tinaguriang “3-pointer ng bayan” na sumusuporta sa mga programa kabilang ang pagsugpo sa corruption, criminality at illegal drugs.
Related video:
- Latest
