2 nangholdap at nanggulpi ng pulis, napatay
MANILA, Philippines — Napatay ng mga otoridad ang dalawang lalaki na umano ay nangholdap at nambugbog sa isang parak matapos na manlaban sa mga rumespondeng mga pulis kahapon ng madaling araw sa San Jose, Antique.
Ang dalawang napatay na suspek ay kinilalang sina Kenneth Tabaranggao, drug personality at drug surrenderee, 30, ng Mandurriao, Iloilo at Vidal Allado.
Habang nadakip ang mga kasama na sina John Allado, Louis Allado; pawang ng Pavia, Iloilo at Reynald Jordan ng San Jose, Antique.
Batay sa ulat, bandang alas-2:30 ng madaling araw nang holdapin at gulpihin ng dalawang suspek ang nakasibilyang si PO2 Dennis Corcolla, miyembro ng San Jose Police Station sa bisinidad ng Royalty Tower Lounge, Brgy. 5, San Jose ng lalawigang ito.
Sa kabila ng tinamong mga pasa sa katawan ay nagawang makahingi ng tulong si PO2 Corcolla sa police station kaya’t na nagresponde ang mga pulis at hinabol ang mga suspek.
Nang makorner ay pinaputukan umano ng mga ito ang mga pulis na gumanti naman ng putok na ikinasawi ng dalawang suspek.
Habang naaresto naman ang tatlo pang kasamahang hinihinala ring mga drug personality nang makorner ng habang papatakas.
- Latest