Parak nangotong ng drug pusher, inaresto
MANILA, Philippines — Dinakip ng mga operatiba ng PNP-Counter Intelligence Task Force (PNP-CITF) ang isang pulis na nangotong kapalit umano ng pagbasura sa kasong droga sa isang nahuling umano’y drug pusher sa entrapment operation sa Cebu City nitong Lunes ng hapon.
Ang nasakoteng pulis ay kinilalang si PO3 Ritchie Saquilabon, nakatalaga sa Cebu City Police Office Station 1.
Sa ulat, bandang alas – 5:45 ng hapon nang masakote si PO3 Saquilabon sa ikinasang entrapment operation ng CITF Special Task Group Visayas sa aktong tinatanggap nito ang P20,000 marked money mula sa complainant sa lungsod ng Cebu.
Sa sumbong ng complainant na kinilalang si Richie Labus, 32, binata ng Banilad Cebu na siya ay inaresto ng team ni PO3 Saquilabon kaugnay ng paglabag sa Republic Act 9165, o Dangerous Drugs ACT of 2002.
Subalit, hiningan umano siya ni PO3 Saquilabon ng P 20,000 piso para hindi ito sampahan ng kaso ng mga pulis kaya nagsumbong siya sa CITF.
- Latest