AFP nakaalerto sa NPA attack
MANILA, Philippines — Kaugnay nang paggunita sa ika-29 taong anibersaryo ng teroristang New People’s Army (NPA) sa Marso 29 ay inalerto na kahapon ng Armed Forces of the Philippines (AFP) ang kanilang puwersa sa buong bansa laban sa posibleng pag-atake ng teroristang grupo.
Ayon kay AFP Spokesman Brig. Gen. Bienvenido Datuin Jr., karaniwan ng naghahasik ng terorismo ang NPA terrorist laban sa tropa ng pamahalaan at maging sa mga inosenteng sibilyan sa tuwing magdaraos ang mga ito ng anibersaryo.
Sinabi ng opisyal na sa mga nakalipas na taon ay pinatitindi ng NPA terrorist ang inilulunsad nilang mga pag-atake tulad ng mga raid, ambushcades at pananabotahe laban sa tropang gobyerno, mga pampublikong establisyemento at maging sa mga pangunahing instalasyon ng.pamahalaan.
Sinisisi rin ng opisyal ang NPA terrorist sa idinulot na matinding abala sa serye ng mga protesta sa Metro Manila.
Anila, bagama’t wala namang direktang natutukoy na ang NPA rebels ang nagsasagawa ng kilos protesta sa Metro Manila karamihan sa mga ito ay mula sa makakaliwang grupo tulad ng Bayan Muna, Bayan, Karapatan, Piston at iba pa na may koneksyon o alyansa sa NPA terrorists.
- Latest