Inutos ni Aguirre... drug cases ni Kerwin atbp., muling bubuksan
MANILA, Philippines — Pinabubuksan muli ni Justice Sec. Vitaliano Aguirre III ang drug cases nina Kerwin Espinosa, Peter Lim, Peter Co at iba pang suspects matapos na idismiss ito ng mga prosecutors noong Disyembre 2017.
“I issued an order vacating the dismissal of the case and ordered that the cases be wide open for both parties, complainants and respondents, to file whatever evidence they have in support of respective position,” wika ni Sec. Aguirre sa media briefing sa Malacañang.
Bumuo ng bagong panel si Sec. Aguirre na inatasan niyang rebyuhin muli ang kaso nina Espinosa, Lim, Co at iba pang suspects.
Magugunita na sumambulat ang galit ni Pangulong Rodrigo Duterte ng malaman nitong dinismis ng DOJ prosecutors ang drug charges laban sa mga drugs lords dahil sa umano’y mahinang ebidensiya na naiharap ng PNP-CIDG.
Inamin din ni Aguirre na ang ‘public uproar’ ang isa sa nagtulak sa kanya upang muling pabuksan ang kaso laban kina Espinosa at iba pa.
Sinisi ni Aguirre ang mahinang ebidensiyang iniharap ng PNP-CIDG laban kina Espinosa, Co at Lim kaya napilitang idismis ng DOJ prosecutors ang kaso ng mga ito.
Sinabihan umano siya ni Pangulong Duterte pa kay Aguirre na dapat pulsuhan nito ang nararamdaman ng taumbayan sa kaso ni Espinosa.
Related video:
- Latest
