Endo sa gobyerno, ipagbawal din

MANILA, Philippines — Isang panukalang batas ang isinusulong sa Kamara ng Makabayan bloc na nagbabawal din ng endo o end of contract ng mga kawani sa gobyerno.

Sa House Bill 7415 na inihain ng Makabayan bloc, nanindigan sila na hindi lamang dapat sa pribadong sektor itinigil ang endo kundi pati sa burukrasya.

Base umano sa datos 800,000 ang mga mangagawa sa gobyerno na contractual at nakatalaga sa ibat ibang sangay ng pamahalaan.

Wala umanong dapat nabibiktima ng endo lalo na sa gobyerno.

Ayon sa Makabayan bloc, kailangan masunod ang batas para maregular ang mga karapat dapat na empleyado na bilang pagsunod sa pangako ni Pangulong Duterte noong kampanya na wakasan ang endo sa bansa.