2 tambay sa Maynila, pinatay
MANILA, Philippines — Dalawang hindi pa kilalang lalaking nakatambay sa nakaparadang tricycle ang pinagbabaril ng dalawang lalaki na sakay ng isang motorsiklo kahapon ng madaling araw sa Sta. Cruz, Maynila.
Inilarawan ang isang biktima na namatay noon din dahil sa tama ng bala sa ulo na nasa pagitan ng edad na 30-35, 5’4” ang taas, payat, may tattoo na “BCJ 3” sa likod, nakasuot ng sando na green may burdang “Celtic 9” sa harap at “Rondo 9”sa likod, itim ang shorts.
Ang ikalawang biktima ay naitakbo pa sa Justice Jose Abad Santos General Hospita (JJASGH) ay idineklarang dead on arrival bunga ng tama sa kaliwang dibdib ay inilarawan sa alyas na “Toto”, nasa 40-45 anyos, 5’5” ang taas, balingkinitan, nakasuot ng jacket na itim, panloob na sando brown, at brown din ang shorts.
Sa imbestgasyon, dakong alas-4:07 ng madaling araw ay nakatambay ang dalawang biktima sa harap ng National Bookstore sa Rizal Avenue kanto ng Soler St. Sta. Cruz, Maynila nang sumulpot ang isang motorsiklo sakay ang dalawang suspek.
Pumuwesto sa likod ng tricycle kung saan nakaupo ang may tattoong biktima at biglang binaril sa likod na tumama sa kaliwang dibdib.
Nagawa pang makalabas ng tricycle ng biktima, subalit bigla itong tumumba dahil sa dami ng lumabas na dugo bago pinagtulungang itakbo sa ospital.
Habang ang isang biktima ay malapitang binaril ng backrider sa ulo na agad nitong ikinasawi.
- Latest