MRT-3 limang araw na tigil biyahe sa Semana
MANILA, Philippines — Hindi bibiyahe ng 5 araw ang mga tren ng Metro Rail Transit (MRT) 3 sa Semana Santa upang bigyang daan ang maintenance operations o pagkukumpuni sa mga sirang bagon at iba pang bahagi ng naturang mass transportation system.
Ito ang iniabiso ng MRT na ipinaskel sa kanilang mga station partikular na sa mga elevator at hagdanan upang ipaalam ito ng maaga sa daan-daang mga commuters.
Hindi bibiyahe ang mga tren simula Marso 28 (Miyerkules Santo) hanggang Abril 1 (Linggo nang Pagkabuhay) upang bigyang daan ang ‘maintenance operations’ nito.
Babalik naman sa normal ang operasyon ng mga tren ng MRT sa Abril 2 , araw ng Lunes.
Ang MRT ay bumibiyahe sa kahabaan ng EDSA mula sa North Avenue sa Quezon City hanggang sa Taft Avenue sa Pasay City.
- Latest
