55-anyos na laging pinapagalitan, nagbigti
MANILA, Philippines — Isang 55-anyos na lalaki ang nagbigti sa loob ng kanyang kuwarto dahil sa hindi makayang depresyon naganap kamakalawa ng gabi sa Brgy. Malinao, Pasig City.
Ang biktima na nadiskubreng nakabigti ng kanyang misis na si Preciosa ay kinilalang si Severino Castro, residente ng 367 Vicper Compound.
Ayon kay Preciosa, dakong alas-6:00 ng umaga nang magising siya at nakita ang mister na nakabigti sa kisame gamit ang isang nylon cord.
Huling nakitang buhay ang biktima dakong alas-8:30 ng gabi habang naghahanda na sa pagtulog.
Hinala ng ginang na depresyon ang nagtulak sa asawa upang magbigti dahil palagi itong pinapagalitan ng mga kaanak, ngunit tumanggi nang magbigay ng iba pang detalye.
- Latest