6 Abu patay sa engkuwentro
MANILA, Philippines — Napatay ang anim na teroristang Abu Sayyaf sa isang military operations ng mga sundalo nitong Sabado ng umaga sa bahagi ng Sitio Kichen, Barangay Muslim Area, Maluso, Basilan.
Batay sa ulat ng Maluso Police Station, nagsasagawa ng combat operation ang 68th Infantry Battalion (IB) ng Philippine Army na pinangungunahan ni 1Lt. Morallos nang makasagupa ang mga bandido na ang labanan ay tumagal ng mahigit isang oras hanggang sa umatras ang mga bandido.
Sa isinagawang clearing operation ng mga sundalo ay isang bangkay ang kanilang nakuha at ang isang unit ng M14 rifle.
Subalit, ayon sa mga residente na nakita nila ang lima pang bandidong bangkay na binubuhat ng mga kasamang tumatakas.
- Latest