Solons na nasa listahan ng PCSO-STL, ibunyag
MANILA, Philippines — Nais ng Kamara na isumite ng Philippine Charity Sweepstakes Office (PCSO) ang pangalan ng mga kongresista na tumatanggap o tumatanggi sa pondo mula sa kita ng Small Town Lottery (STL).
Ito ang hiniling ni Camarines Sur Rep.Gabriel Bordado sa pagdinig ng House Committee on Good Government and Public Accountability para malaman ng kanilang constituents.
Dahil sa ilalim ng batas, 7% ng kita ng STL sa partikular na distrito ay mapupunta sa legislative district bilang bahagi dito.
Mabilis naman na dumistansiya si Misamis Occidental Rep. Henry Oaminal na nagsasabing walang tinatanggap ni singko ang kanyang distrito mula sa kita ng STL.
Ayon naman kay Quezon City Rep. Winston Castelo na hindi rin sila tumatanggap ng pondo dito dahil tumanggi silang magkaroon ng STL sa kanilang lugar.
Iginiit naman ni Bayan Muna Rep. Carlos Isagani Zarate na hindi na nakakapagtaka kung bakit patuloy ang sugal dahil ang PCSO ay para pala umanong namumudmod ng pork barrel sa mga mambabatas.
- Latest
