150 pamilya sa Quezon City nasunugan ng bahay
MANILA, Philippines — Nawalan ng kanilang mga bahay ang nasa 150 pamilya sa naganap na sunog kahapon ng madaling araw sa Commonwealth Avenue, Barangay Old Balara, Quezon City.
Sa ulat ng Bureau of Fire Protection (BFP) sa Quezon City, na ang sunog ay nagsimula umano sa ikalawang palapag na bahay ng isang Alfredo Montemayor, dakong alas-2:26 ng madaling araw.
Umakyat sa ikatlong alarma ang sunog dahil sa nahihirapan ang mga bumbero na maapula ang apoy dahil sa dikit-dikit ang mga bahay at pawang gawa lamang sa kahoy at makipot ang daan papasok sa lugar na kinaganapan ng sunog.
Tumagal ng halos dalawang oras ang sunog bago ito idineklarang fire out ng mga bumbero at walang naiulat na nasugatan.
- Latest