9 Pinoy na bibitayin sa Malaysia, isasalba
MANILA, Philippines — Hihingi ng clemency ang Malacañang sa Malaysian government para mailigtas sa parusang bitay ang 9 na Pilipinong militante na lumusob noong 2013 sa Sabah, Malaysia.
Sinabi ni Presidential Spokesman Harry Roque na tungkulin ng estado na tiyakin na ligtas ang mga Pilipino na nasa ibang bansa lalo ang mga nahatulan ng korte.
Ang tanging magagawa ng Malacañang ay umapela para sa clemency ng 9 Pinoy na nasa death row at nasa gobyerno pa rin ng Malaysia ang huling pagpapasya kung pagbibigyan ang hirit ng Pilipinas na clemency.
Ang 9 Pinoy na pawang tagasunod ng self-proclaimed Sultan of Sulu na si Jamalul Kirma III ay nahatulan ng parusang kamatayan matapos mapatunayan na sangkot ang mga ito sa insidente nang biglaang paglusob sa Silangang estado ng Sabah para ituloy ang pagbawi ng Sultanate of Sulu sa Sabah.
- Latest