LRT 1 magbibigay ng libreng sakay ngayon
MANILA, Philippines – Sa unang araw ng Bagong Taon, magbibigay ng libreng sakay sa kanilang mga pasahero ang pamunuan ng Light Rail Transit (LRT) 1 . Ayon sa abiso ng LRT-1, nais nilang pasimulan ang taong 2017 sa pamamagitan ng pagkakaloob ng libreng sakay sa mga commuters bilang pam-bagong taong handog sa kanilang mga pasahero.
Ang libreng sakay ay maaaring ma-avail ng kanilang mga pasahero mula alas-7 ng umaga hanggang alas-9 ng umaga at mula alas-5 ng hapon hanggang alas-7 ng gabi.
Muli ring ipinaalala ng LRT-1 na kanilang ipatutupad na train service schedules mula ngayong araw hanggang bukas (Enero 2, 2017). Nabatid na ang unang biyahe ng tren mula Baclaran ay aalis ng alas-5 ng umaga habang ang last trip naman ay aalis ng alas-9:30 ng gabi.
Samantalang ang first trip naman mula Roosevelt Station ay aalis ng alas-5:00 ng umaga habang ang huling biyahe ay aalis naman ng alas-9:50 ng gabi.
- Latest