6 todas sa drug bust
MANILA, Philippines - Nasawi ang anim na lalaki na drug suspects sa magkahiwalay na buy bust operation ng mga tauhan ng Manila Police District sa tatlong lugar sa Maynila.
Ang mga nasawing suspek ay kinilalang sina John Ryan Verano; Rommel Aquino; Jester Luces; Ryan Puao, 27; Sherdy Arellano, alyas ‘Cerdi,’ 35, at Francis Valiente alyas ‘Alang’, 26.
Sa ulat, dakong alas-5:30 ng kamakalawa ng hapon ay napatay ng MPD-Station 3 sina Verano, Aquino at Luces sa kanilang lungga sa Amy’s Lodge na matatagpuan sa Gonzalo Puyat St. (Raon) panulukan ng Evangelista St., Quiapo.
Tinawagan pa umano ang mga suspek sa loob ng kanilang kasabwat nang mamataan ang mga pulis at nanlaban ang mga ito.
Inaresto naman ang mga sinasabing kasabwat na sina Laima Borja, Alex Abacial at isang dating pulis na si Archie Cruz.
Dakong alas-11:00 ng gabi kamakalawa ay nasawi sina Puao, sa Jones Bridge, bahagi ng Muelle Dela Industria St., Binondo nang pumalag sa mga pulis.
Nakumpiska kay Puao ang isang kalibre 38 baril at 3 plastic sachet ng shabu.
Bandang ala-1:10 ng madaling araw kahapon nang masawi naman sina Arellano at Valiente nang manlaban din sa mga operatiba ng MPD-Station 1 na nagsagawa ng buy-bust.
- Latest
