6 patay sa Tagaytay tragedy
Arnell Ozaeta, Cristina Timbang (Pang-masa) - January 17, 2016 - 9:00am

MANILA, Philippines – Anim-katao ang sinalubong ni kamatayan makaraang sumalpok ang kanilang kotse sa concrete barrier at punungkahoy bago sumabog sa kahabaan ng Calamba at SVD Road sa Tagaytay City, Cavite kahapon ng madaling araw. Sa paunang impormasyon mula sa Tagaytay PNP, binabagtas ng Toyota Vios (AHA 5287) ang kahabaan ng highway sa Barangay San Jose nang mawalan umano ito ng kontrol bandang alas-2:45 ng madaling araw.

Batay sa salaysay ng ilang saksi, mabilis ang takbo ng kotse hanggang bumangga ito sa concrete barrier at punung- kahoy hanggang sumabog at magliyab.

Tinangka pang tumulong ng mga opisyal ng barangay pero sumabog umano ang kotse kaya hindi na nai­salba pa ang mga biktima. Hindi pa naman agad makilala ang mga biktima dahil tupok na tupok ang mga ito at wala pang makuhang pagkakakilanlan. Isa sa mga biktima na nakuha ang identification card kaya nakilalang si Ronlyn Bautista, 17, ng Imus City, Cavite.

Ayon sa mga pulis, ta­nging mga kaanak ng biktima ang kanilang inaantay para kilalanin ang mga biktima na kasalukuyang nakalagak sa isang pune­rarya sa Barangay Bulihan sa bayan ng Silang, Cavite. Napag-alamang galing sa Batangas ang mga biktima at patungo sana ng Sta. Rosa City, Laguna nang makasalubong si kamatayan. Dagdag ulat ni Ricky Tulipat

ACIRC ANG BARANGAY BULIHAN BARANGAY SAN JOSE CAVITE IMUS CITY MGA RICKY TULIPAT RONLYN BAUTISTA ROSA CITY TAGAYTAY CITY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with