2 Tsinoy timbog sa P185-M shabu
(Pang-masa) - January 12, 2016 - 9:00am

MANILA, Philippines – Tinatayang aabot sa P185 milyon halaga ng shabu ang nasamsam ng mga otoridad sa dalawang Tsinoy na naaresto sa isinagawang drug bust operation kahapon ng mga otoridad sa Valenzuela City.

Ang mga nadakip na suspek na umano ay bigtime drug trafficker ay kinilalang sina Sonny Ang Perine, 67, ng La Trinidad, Benguet; at Benito Sy Tiuseco, 47, ng San Pablo, Laguna.

Batay sa ulat, nasakote ang mga suspek dakong alas-8:30 ng umaga sa harapan ng isang gasoline station sa kahabaan ng Narciso Street, Brgy. Lawang Bato ng lungsod.

Sakay ng isang kulay puti na Chevrolet Venture (XHY-872) at nakuha ang ilang piraso ng droga habang ang iba pa ay sa follow-up operation sa isang bodega sa kahabaan ng East Service Road sa nabanggit ring barangay.

Umaabot sa 37 kilo ng shabu na nakum­piska mula sa mga suspek kabilang ang mga nakatago sa 12 heavy duty turret mil­ling machine sa bodega ng mga ito.

Ang nasabing mil­ling machine ay galing pa sa China  at iginiit na ang raid ay base sa ipinalabas na search warrant ng korte matapos silang makatanggap ng impormasyon hi­nggil sa illegal na aktibidades ng mga suspek.

Ang operasyon ay bahagi ng kampanya ng PNP-AIDG laban sa mga high value target at maging sa mga international drug syndicate na nasa likod ng pagpupuslit ng droga sa bansa.

ACIRC ANG BENITO SY TIUSECO CHEVROLET VENTURE EAST SERVICE ROAD LA TRINIDAD LAWANG BATO MGA NARCISO STREET SAN PABLO SONNY ANG PERINE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with