Sanggol patay sa hita ng tiyo
MANILA, Philippines - Hindi na umabot ng buhay sa ospital ang isang mahigit isang buwang gulang na sanggol na babae matapos na ito ay madaganan ng hita ng kanyang tiyuhin kahapon ng madaling-araw sa Paco, Maynila.
Ang nasawi ay kinilalang si Akira Morita, ng 1490 1st St., Fabie Subd., Paco, Maynila.
Ang suspek na naaresto ay kinilalang si Antonino Jurado, 28, pinsan ng ina ng biktima.
Batay sa ulat, dakong alas-2:50 ng madaling araw nang matagpuang patay ang sanggol sa loob ng kanilang bahay.
Sa salaysay ng ina ng sanggol na si Jennalyn Jurado, 33, huli niyang nakitang buhay ang anak dakong alas-9:00 ng gabi nang iwan niya ito sa suspek para ito alagaan.
Idinagdag pa ni Emma Jurado, 65 lola ng biktima, pinadede pa niya sa bote ang sanggol hanggang sa iwan niya ito sa duyan.
Nabatid na dakong alas-3:00 ng madaling araw nang makita niya si Antonino katabi ang sanggol na hindi na humihinga.
Inamin ni Antonino sa pamagitan ng text sa isang Alexandra Grace Fuentes, 24 na nadaganan niya ang sanggol nang makatulog habang nagbabantay.
- Latest
