Oklahoma kampeon!
OKLAHOMA CITY—Tinapos ni Shai Gilgeous-Alexander ang kanyang MVP season sa 29 points at 12 assists at nakamit ng Thunder ang NBA championship sa 103-91 paggupo sa Indiana Pacers sa ‘winner-take-all’ Game 7.
Nagdagdag si Jalen Williams ng 20 at may 18 markers si Chet Holmgren para sa Oklahoma City na pinuwersa ng Indiana sa ‘sudden death’ sa NBA Finals.
“It doesn’t feel real,” sabi ni Gilgeous-Alexander matapos ang laro. “So many hours. So many moments.”
“So many emotions. So many nights of disbelief. So many nights of belief. It’s crazy to know that we’re all here, but this group worked for it. This group put in the hours, and we deserve this,” dagdag ng Finals MVP.
Naipanalo ng Thunder ang 84 games sa regular season at playoffs para duplikahin ang naitala ng 1996-97 Chicago Bulls para sa ikatlong may pinakamaraming panalo sa isang season.
Ang unang dalawa ay ang Golden State Warriors (88 noong 2016-17) at ang Bulls (87 noong 2015-16).
Ito ang ikalawang NBA crown ng prangkisa matapos maghari ang Seattle SuperSonics noong 1979 bago lumipat sa Oklahoma City noong 2008.
Bigo ang Pacers na makamit ang kauna-unahan nilang kampeonato kasama ang masaklap na Achilles tendon injury ni star guard Tyrese Haliburton sa first period.
“All of our hearts dropped,” wika ni Pacers coach Rick Carlisle sa sinapit ni Haliburton na hindi na nakabalik sa laro.
Kinuha ng Indiana ang 48-47 halftime lead bago magpasabog ang OKC ng 34 points sa kabuuan ng third period patungo sa pagtatayo ng isang 13-point lead.
“They behave like champions. They compete like champions,” wika ni Daigneault sa kanyang Thunder. “They root for each other’s success, which is rare in professional sports.”
Pinamunuan ni Bennedict Mathurin ang Pacers sa kanyang 24 points at 13 rebounds.
Hanap pa rin ng Indiana ang kanilang unang NBA title.
Tatlong beses silang naghari sa American Basketball Association noong 1970s bago lumipat sa NBA sa isang NBA-ABA merger.
- Latest
