Alas men minalas sa Thailand

MANILA, Philippines — Minalas ang Alas Pilipinas men’s team na madalawahan ang Thailand matapos makalasap ng 21-25, 20-25, 18-25 kabiguan sa 2025 AVC Men’s Volleyball Nations Cup classification stage kahapon sa Manama, Bahrain.

Nauna nang winalis ng mga Pinoy spikers ang mga Thai hitters via five-setter sa nakaraang Alas Pilipinas Invitationals na idinaos sa Smart Araneta Coliseum.

Nalimitahan ng Thailand si team captain Marck Espejo sa isang puntos matapos magpasabog ng 31 markers sa una nilang pagkikita.

Pinamunuan ni Buds Buddin ang Nationals sa kanyang walong puntos.

Sunod na haharapin ng Alas men’s squad ang New Zealand sa Martes para madetermina ang kanilang final ranking sa AVC Nations Cup.