Pamaybay naka-ginto sa Brunei
MANILA, Philippines — Kinalawit ni Filipino national champion AZ Pamaybay ang gintong medalya matapos balibagain si Vietnamese Phe Ngoc Thanh, 9-3, sa 12th Southeast Asian Karate Federation Championships sa Brunei Darussalam.
Nasilo ni Pamaybay ang nag-iisang gold para sa Pilipinas sa cadet kumite male -57-kilogram division at idinagdag ng eighth-grader mula sa University of Mindanao Tagum College sa Davao del Norte sa mauuwing 13 medalya ng Philippine Karatedo team.
Bukod sa gold ay nasungkit din ng koponan ang isang silver at 11 bronze medals.
Hinablot ni Alexis Nicole Villacarlos ang silver sa junior kumite female -66kg class, habang may bronze sina Aleyah Magrata (+61kg), Bem Natividad (-57kg), Archail Monton (-70kg), Johnzen David Resngit (+70kg), Kelly Alexandrei Trocio (-53kg), Bernardo Fresco III (-55kg), Leonilo Banes III (-61kg), Abdulhakim Abdulkarim (-76kg), Richilieu Felipe (-84kg), Rebecca Cyril Torres (senior kata) at Christopher John Cagandahan (+84kg).
- Latest
