‘Grudge match’ ng Alas at Taiwan
MANILA, Philippines — Isang ‘grudge match’ ang pagtutuos ng Alas Pilipinas at Chinese Taipei sa knockout semifinals ng 2025 AVC Women’s Volleyball Nations Cup sa Hanoi, Vietnam.
Naitakda ang duwelo ng mga Pinay at Taiwanese spikers sa semis nang magtapos bilang No. 1 at No. 2 teams sa Pool B at Pool A, ayon sa pagkakasunod.
Nakatakdang maglaban para sa finals berth ang dalawang tropa kagabi habang isinusulat ito.
Tumapos ang dalawang koponan na may magkatulad na 4-1 record sa pool play.
Nauna nang winalis ng Alas Pilipinas ang Chinese-Taipei, 25-13, 25-21, 25-18, patungo sa kanilang four-game sweep sa Pool A ng 2024 Challenge Cup.
Bahagi ng koponan sina Eya Laure at Vanie Gandler na pumalo ng 15 at 12 points, ayon sa pagkakasalansan.
Sa nasabing torneo gumawa ng kasaysayan ang mga Pinay hitters nang makamit ang bronze medal.
Para makasampa sa semis ng 2025 AVC Women’s Volleyball Nations Cup ay tinalo ng Alas Pilipinas ang Kazakhstan, 25-21, 25-15, 25-19, noong Huwebes.
- Latest
