Bonus target ng TNT, GSM

MANILA, Philippines — Mag-uunahan ang TNT Tropang 5G at Barangay Ginebra sa paglapit sa ‘twice-to-beat’ incentive sa quarterfinals ng PBA Season 49 Philippine Cup.

Saagupain ng Tro­pang 5G ang Gin Kings nga­yong alas-7:30 ng gabi ma­tapos ang ‘no bearing’ game ng mga talsik nang Blackwater Bossing at Ter­ra­firma Dyip sa alas-5 ng ha­pon sa Ninoy Aquino Sta­dium sa Malate, Manila.

Nakuha na ng NLEX ang unang insentibo sa ka­nilang 8-2 baraha sa ita­as ng San Miguel (6-2), Magnolia (7-3), TNT (6-3), Ginebra (6-3), Ran or Shine (6-3), Converge (6-4), nag­dedepensang Me­ralco (6-5) at mga talsik nang Phoenix (3-7), NorthPort (1-8), Blackwater (1-8) at Terra­firma (1-9).

Ang Top Four teams ma­­tapos ang elimination round ang bibigyan ng ‘twice-to-beat’ bonus sa quar­terfinals.

Malakas ang tsansa ng Tropang 5G lalo na at su­masakay sila sa isang six-game winning streak matapos ang 0-3 panimula sa torneo.

“All we’re asking for is a chance and now we have a chance. But we all know how difficult that road is going to be. We’ll see what happens,” sabi ni coach Chot Reyes sa TNT na nagmula sa 108-82 paggupo sa Terrafirma.