Indiana umeskapo sa New York sa Game 1

NEW YORK — Kumo­lekta si Tyrese Haliburton ng 31 points at 11 assists pa­ra gabayan ang Indiana Pacers sa 138-135 overtime win kontra sa Knicks sa Game 1 ng kanilang Eas­tern Conference finals series.

Nagdagdag si Aaron Nes­mith ng 30 markers tampok ang 8-for-9 shoo­ting sa three-point range para sa 1-0 lead ng Indiana sa kanilang best-of-seven showdown ng New York.

“It’s always special. It’s always fun,” sabi ni Nesmith. “This is what we live for.”

Bumangon ang Pacers mula sa isang 14-point de­ficit sa huling dalawang mi­nuto ng fourth quarter ga­ling sa magkakasunod na 3-pointers ni Nesmith.

Lamang ang Knicks sa 125-123, isinalpak ni Haliburton ang akala niyang game-winning triple para sa Pacers.

Subalit sa replay ay na­katapak sa linya si Halibur­ton at ito ay isa lamang 2-pointer na nagresulta sa 125-125 tabla para sa overtime period.

Ang basket ni Andrew Nembhard at dunk ni Obi Toppin huling 15.3 segun­do sa extra pe­riod ang nag­panalo sa In­diana.

Nagpaputok si Jalen Brun­son ng 43 points spara sa New York na nakahugot kay si Karl-Anthony Towns ng 35 points at 12 re­bounds.

“Give them a lot of credit. They closed the game out like they’ve been doing all playoffs,” wika ni Brunson sa Indiana. “Just not really good on our part.”