Lady Knights ‘di bibitaw sa itaas
MANILA, Philippines — Plano nina Maria Judiel Nitura at Gia Marcel Maquilang na patibayin ang kapit ng Letran sa tuktok ng team standings sa pagharap nila sa Arellano University sa NCAA Season 100 women’s volleyball tournament na lalaruin sa Emilio Aguinaldo College Gym ngayong araw.
Magsisimula ang paluan ng bola sa pagitan ng Letran at Arellano U sa alas-2:30 ng hapon pagkatapos ng labanan ng University of Perpetual Help System DALTA at San Sebastian College-Recoletos sa alas-12 ng tanghali.
Tangan ang 12-2 karta, apat na laro na lamang ang nalalabi kaya nais nilang magpanalo pa para makasiguro din sila na makakakuha ng twice-to-beat advantage pagkatapos ng 10-team double round robin eliminations.
Nasa pangalawang puwesto ang defending champion Saint Benilde na may 11-2 karta.
- Latest
