Cavs naka-dalawa na sa Heat

CLEVELAND — Nagbagsak si Donovan Mitchell ng 30 points para pamunuan ang Cavaliers sa 121-112 pagtuhog sa Miami Heat sa Game Two at itarak ang 2-0 lead sa kanilang Eastern Conference first-round series.

Tumipa rin si Mitchell ng anim na rebounds at anim na assists para sa ikalawang sunod na panalo ng Cleveland sa kanilang best-of-seven showdown ng Miami

“I love the fact the game happened like this. We had to really find a way as a group and then we responded,” ani Mitchell na umiskor ng 17 points sa fourth quarter.

Nagdagdag si Evan Mobley ng 20 points kasunod ang 19 markers ni Darius Garland para sa Cleveland na naglista ng NBA playoff record na 11 three-pointers sa second quarter at tumapos na may 22 triples.

Sa Boston, humakot si Jalen Brown ng 36 points, 10 rebounds at 5 assists para gabayan ang nagdedepensang Celtics sa 109-100 paggiba sa Orlando Magic sa Game Two at itala ang 2-0 lead sa kanilang serye.

Sa Houston, kumamada si Fil-American Jalen Green ng 38 points tampok ang walong tres sa 109-94 pagbawi ng Rockets sa Golden State Warriors at itabla sa 1-1 ang kanilang duwelo.