Curry hinirang na NBA All-Star MVP
SAN FRANCISCO — Hinirang si Golden State Warriors star Stephen Curry bilang Most Valuable Player matapos banderahan ang Team Shaq ni Shaquille O’Neal sa 41-25 pagdaig sa Team Chuck ni Charles Barkley sa 2025 NBA All-Star Game.
Kumamada si Curry ng 12 points tampok ang apat na three-pointers para sa Team Shaq.
“It’s a celebration of a lot of great things -- to be able to play with these guys for as long as we have,” ani Curry na magdiriwang ng kanyang ika-37 kaarawan sa susunod na buwan.
Tumapos si Boston Celtics forward Jayson Tatum na may 15 points kasama sina Kevin Durant, Damian Lillard, James Harden, Jaylen Brown, Kyrie Irving, Anthony Davis at LeBron James na hindi naglaro dahil sa kanyang foot at ankle injury.
Ang Team Chuck ay binubuo nina Nikola Jokic, Shai Gilgeous-Alexander, Donovan Mitchell, Giannis Antetokounmpo, Victor Wembanyama, Pascal Siakam, Alperen ?engün, Karl-Anthony Towns at Trae Young.
Bukod sa Team Shaq at Team Chuck ay sumabak rin sa four-team mini-tournament ang mga tropa nina Kenny Smith at Candace Parker.
Naiiba ang NBA midseason classic ngayong taon dahil walang quarters, walang shot clock at ang unang koponang makakaiskor ng 40 points ang mananalo kumpara sa traditional East-West matchup.
- Latest
